Dr Boto-a and friends

Mawite a te hovin ka blog an lo chhiar a. Chhiar a nuam han ziak zel teh tiin Message meuh min lo thawn a. A lawmawm ka ti!! Chhiar nuam vaklo pawh nimahse thian an nihna a zarah "Chhiar a nuam lutuk" an rawn ti ve hram hram hi a hlu a, lawmawm ka ti a, min ti phur riau. Khawnge vawiin chu Dr. Boto-a and friends chungchang hi ka thiam ang tawkin kan thlasik mau puah pui ve phawng ange.

Hmanni deuh lawk han ti dawn ila kum sawm chu a liam ve ta. Science Department ho kha a tirah chuan kan inla scientist riau thin a. Chutah chuan a nia thain tha tak tak kan in chhar hlawm ni. Dr. Boto a hi a tlar hnung berah a thu thin a, mawza a bun ngai meuh lo. Class lak laiin a harh ber pawlah a tang thin a mahse exam na ah a titha ber pawl a ni ziah lehnghal..! Zirtawpni zana Star Movies a kungfu movie chhuak thin kha a duhzawng tak a nih ka ring. Kungfu an bei thin tak tak kha chu Mawite-a(Chemhrah Lal) meuh pawh a tlawm duai duai thin a nih kha.

Zozial zuk kha nuam a ti a, MBBS a zirlai pawhin Mizoram atang zozial a keng teuh thin. Miscall a uar hle bawk. MBBS an zirlaia a practical exam na ah mihring mawng a zai thu a sawi kha LPS comedy search ah hian sawi ta se, pakhatna a lak ngei ka ring. Facebook lama update ka dawn dan in a scooty thar khan number a la nei lova, number plate ah Doctor tih a tar ve tawp. Traffic hovin an lo tih din chuan "on call" a ni leh tawp mai.

Mize chi hrang hrang kha kan tam ve hrim hrim, Sam-a kha rapper ropui lutuk ania, Eminem a ngaisang hle. Pa buan chaklo Eddie leh Johhny-a(Zu chhe rui ang) kha class ladies killer an nia. Eddie a motto kha "naupang deuh ngaihzawn tur" tih kha ni a, Class VIII naupang ho kha a target te an ni.. lolz.. Mawite-a kha "Iron Man" a nia. Sunday tlaiah romatic road velah a scooter in  somersault thin a ni awm e. A scooter ke hnung ah tractor ke a hmang a, kawng chho un lutuk ah  pawh a chhuk-tlan thin tih an sawite pawh hriattur a awm.  A scooter brake ah pawh "Bitter Siliper" a hmang thin a ni awm e.

Mapui-a kha, Class Magazine Editor a nia, Class Magazine kha inlamah homework ah a nei thin a, Typewriter in a chhu keuh keuh a, a tukah class ah a rawn publish thin. Phek khat chiah a rawn ken thin avangin kan vaiin break laiin kan bial luih luih thin. Tiranga heh hmingthang Thoste a pawh kha Brother - in Tiranga packet hnih a hmuam tir meuh kha chuan a lu a hai veng veng.

Flying Officer Jerry-a pawh a ding sek hum reng mai a. Mi ril tak, a nuih pawhin a nui sek leh mai a. A kal pawhin a kal sek leh a. NCC ah khan Tato-i nen nihna sang tak an chelh nghe nghe. Mak ve deuh chu Dr. Boto a khan NCC certificate a lo nei ve reng mai kha ani. Kha kha chu a mak dangdai ve hrim hrim. NCC parade na ah khan mawza a bun thin ang em le??

Dr Benjamin a pawh kan neih tak kha... Evolution theory leh Big Bang Theory vela Sir Chauhan a nen pathian awm leh awmloh lampang an inhnial kha chu, ka tuizawng tak kha a lo ni pek a. Biology lam kan sawi bawk a, Reproduction lampang kan zirlaia Sir Prabhu a hnenah "a practical min zirtir la" kan han tih chiah kha chuan Sir Prabhu a pwh a hawi a hawi anih kha. Reproduction Practical a zirtir kha chu a chi vak loh ni ngei tur ani. Biology practical a zun test tur an tih a, pipette a kan hip thin lai khan, a tu berin nge Mapui-a zun lo hmuam tung ta kha ka hrechiang ta lo.

Hnap khawn pachang hmu ang Rodinga khan.. aa.. hei chu sawi zel lo mai ang.. A chhiartu te hriatthiam chi.. ! A sa a tha a, a chak tha bawk a, a awm ve tho tihin clip zawk mai ta ila. Break dancer Thlenga pawh kan neih tak kha. Kil khatah hian a lo power step hop leh vak vak thin.. A rulpui chet an tihna chhan tak pawh anih ka ring.

Mahni mawng hlim leh thin Noteii kha lekha zir lampang kha a va han serious thin tak em.. Zawng pan nei ang Sankhar-a khan vawi duai lo hmangaihna biahthu hlanna lekha a thawn e an tih tak kha. Sanghar Ral Sepa sam ro lutuk thin kha chu a hlauhawm lampang zawk a ni. Nisa a kan thut thup lai khan a alh pup ang tih ka hlau thin ngawt mai.